වැඩිවන ඔක්සිජන් ඉල්ලුම සපුරාලීම සඳහා වහාම දියර ඔක්සිජන් සැපයීම සඳහා සහය ලබා දෙන ලෙස විදේශ කටයුතු අමාත්‍ය මහාචාර්ය ජී එල් පීරිස් මහතා චීනයෙන් ඉල්ලා සිටිනවා.
විදේශ කටයුතු අමාත්‍යවරයා මේ බව සඳහන් කළේ, මහජන චීන සමූහාණ්ඩුවේ මෙරට තානාපතිවරයා වන ශී ෂෙන්හොන්ග් මහතා සමඟ ඊයේ (20) අමාත්‍යාංශයේදී පැවති හමුවකදී යි.
ශ්‍රී ලංකාවට ලබා දෙන අඛණ්ඩ සහයෝගය පිළිබඳව චීන රජයට ස්තූතිවන්ත වන බවත් චීනයේ නොමැකෙන සහයෝගය අගය කරන බවත් ඇමැතිවරයා එහිදී පැවසීය.
තානාපති ෂෙන්හොන්ග් විසින්ද විදේශ නව ඇමතිවරයා සිදුකරමින් පවතින කාර්යභාරය පිළිබඳව අවංකව සිය ස්තූතිය පුද කළ අතර ශ්‍රී ලංකාවේ සමාජ ආර්ථික සංවර්ධනය සඳහා සහය දැක්වීමට චීනය අඛණ්ඩව කැපවන බවත් COVID-19 මැඩලීමට ශ්‍රී ලංකා රජය ගන්නා උත්සාහය අගය කරන බවත් අවධාරණය කළේය.
මෙහිදී කොවිඩ් -19 සහයෝගීතාව, ආර්ථික සංවර්ධනය, දරිද්‍රතාවය තුරන් කිරීම සහ චීනය සහ ශ්‍රී ලංකාව අතර බහුපාර්ශ්වික සහයෝගීතාව යන කරුණු සාකච්ඡා කෙරිණි.
