මෙරට සතු භාවිතයට ගතහැකි විදේශ සංචිත ප්රමාණය ඇමරිකානු ඩොලර් මිලියන 300 දක්වා පහත වැටී ඇති බව මහබැංකුවේ හිටපු නියෝජ්‍ය අධිපතිවරයෙකු වන ඩබ්.ඒ.විජේවර්ධන මහතා පවසන බව දිවයින පුවත්පත වාර්තා කරනවා.
කෙසේ වෙතත්, මේ වන විට ඇමරිකානු ඩොලර් මිලියන 2300 ක විදේශ සංචිතයක් රට සතුව ඇති බවයි මහබැංකුව ප්‍රකාශ කරන්නේ.
මහබැංකුව එසේ ප්‍රකාශ කරන්නේ චීනයෙන් ලබාගෙන ඇති යුආන් මූල්‍ය පහසුකමත්, රන් සන්චිතයත්, ජාත්‍යන්තර මූල්‍ය අරමුදල සතුව ඇති එස්.ඞී.ආර් සංචිතයේ වටිනාකමත් එකතු කිරීමෙන් පසුව බවයි හිටපු මහ බැංකු නියෝජ්‍ය අධිපතිවරයා පවසන්නේ.
ඒවා භාවිතයට ගත හැකි විදේශ සංචිත ලෙස නොසැලකෙන බවත්, ඒ සියල්ල ඉවත් කළ පසු – භාවිතයට ගත හැකි විදේශ සංචිත ලෙස ඉතිරිවන්නේ ඇමරිකානු ඩොලර් මිලියන 300 ක පමණ ප‍්‍රමාණයක් බවත් ඩබ්.ඒ.විජේවර්ධන මහතා පවසනවා.
