සමඟි ජන බලවේගයේ මන්ත්‍රීවරු කිහිපදෙනෙක් සමඟ එක්සත් ජාතික පක්ෂය ප්‍රමුඛ නව සන්ධානයක් සති දෙකක් තුළ පිහිටුවන බව ඉඩම් හා සංචාරක අමාත්‍ය හරීන් ප්‍රනාන්දු මහතා පවසනවා.
ඒ මහතා මේ බව කියා සිටියේ ඊයේ (26) බදුල්ලේ දී පැවැති ජනහමුවකදියි.
“රනිල් වික්‍රමසිංහ මහතාටයි මටයි සමගි ජන බලවේගය කඩන්න කවදාවත් කිසිම උත්සාහයක් තිබුනේ නැහැ.
මටත් සජබ තවත් කීපදෙනෙක් අරන් එන්න තිබුණා. නමුත් ජනාධිපතිතුමා, එහෙම කරන්න එපා කිව්වා.
හැබැයි පසුගියදා එතුමා හික්කඩුවෙදි හම්බවෙලා කිව්වා දැන් ඇති, එන්න ඉන්න කට්ටිය ගමු කියලා.”
