පාකිස්ථානයේ ඉන්ධන හා ආහාර මිල ගණන් ඉහළට

පාකිස්ථානයේ ඉහළ යන ඉන්ධන මිල හා ආහාර මිල ගණන් හමුවේ එරට සතිපතා උද්ධමනය සියයට 1 යි දශම 3යි 0කින් ඉහළ ගොස් තිබෙන බවට වාර්තා වෙනවා

එරට සංඛ්‍යා ලේඛන කාර්යාංශයට අනුව සංවේදී මිල දර්ශකය එනම් එස් පී අයි අගය ඉහළ ගොස් ඇති බවයි සඳහන් වන්නේ.

තක්කාලි මිල සියයට 16.85 කින් ඉහළ ගොස් ඇති අතර ප‍ෙට්‍රල් මිල සියයට 7.86කින්, ඩීසල් මිල සියයට 7.82කින්, ගෑස් මිල සියයට 9.82කින්, වැඩි වී තිබෙනවා.

එමෙන්ම කැඩුනු බාස්මතී සහල් මිලද සියයට 2.06කින් ඉහළ ගොස් ඇති අතර බිත්තර සියයට 3.86කින්, කිරිපිටි මිල සියයට 5.17කින් වැඩි වී ඇති බව විදෙස් මාධ්‍ය වාර්තා කරනවා.