විපක්ෂ නායක සජිත් ප්‍රේමදාස මහතා විවාදය සඳහා මැයි 20ට පෙර දිනයක් ලබාදෙන ලෙස ජාතික ජන බලවේගයේ නායක අනුර කුමාර දිසානායක පවසනවා.
අද (01) මාතර පැවති ජාතික ජන බලවේගයේ මැයි රැලිය අමතමින් අනුර කුමාර දිසානායක මහතා මේ බව සඳහන් කළා.
ඔහු එහිදී තවදුරටත් සඳහන් කර ඇත්තේ මෙම මැයි රැලිය දූෂිත පාලකයන් යටතේ ජාතික ජන බලවේගය පවත්වන අවසන් මැයි රැලිය බවයි.
එහිදී වැඩිදුරටත් අදහස් දැක්වූ අනුර කුමාර දිසානායක මහතා,
“මේ රට විනාශයට පත්කරන ලද අපරාධකරුවන් යටතේ පවත්වනු ලබන අවසන් මැයි රැලිය තමයි ජාතික ජන බලවේගය අද මේ පවත්වන්නේ.”
“අර සජබෙ ඇඬියාව, මළ කරදරයක් නේ. විවාදයකට එන්නලු. අපි දින 4ක් දුන්නා. දින 4ම එයාට වැඩ ලු. රෑත් වැඩ. ඊට පස්සේ අපි කිව්වා මැයි 20ට කලින් අපිට දිනයක් දෙන්න කියලා. ඒ ඕන දිනයකට අපි ලෑස්තියි. මොකද මේ ඇඬියාව ඉවර කරන්න ඕනේ.”
“මොනරාගල පැත්තේ ගිහින් ශිෂ්‍යත්වෙ ළමයි එකතු කරගෙන මම බය නැහැ විවාදෙට. නිවටයෝ වගේ පැනලා යන්නේ නැහැ….කියනවා.”
