විහාරස්ථාන සහ පුන්‍යස්ථාන වල විදුලි බිලට යම් සහනයක් ලබාදිය යුතු බව කොළඹ දිස්ත්‍රික් ශ්‍රී ලංකා පොදුජන පෙරමුණු පාර්ලිමේන්තු මන්ත්‍රී ජගත් කුමාර සුමිත්‍රාආරච්චි පවසනවා.
ඒ, ඊයේ (13) දින මාධ්‍ය හමුවේ අදහස් දක්වමින්.
ආර්ථික මට්ටමින් ශක්තිමත් ආගමික ස්ථාන වලට විදුලි බිලෙහි වැඩිවීම දරාගත හැකි නමුත් කුඩා පුන්‍යස්ථාන සඳහා මෙලෙස සහනයක් ලබාදිය යුතු බවට ඉල්ලීම් ලැබෙන බවයි ඔහු පෙන්වා දෙන්නේ.
රටේ සියලුම ජනතාවට විදුලි බිලෙහි ඉහළ යාම බලපා ඇති බව වැටහෙන බවත් පසුගිය අයවැය හරහා පවුල් ලක්ෂ 39කට දුන් සහන ඉදිරියේදී ලැබෙනු ඇති බවත් මන්ත්‍රීවරයා පවසනවා.
