රනිල් වික්‍රමසිංහට සහය ලබාදෙන්නැයි තමන්ට පුද්ගලිකවම කතාකොට සඳහන් කරන ලද්දේ ගෝඨාභය රාජපක්ෂ විසින් බව හිටපු මහවැලි සහ ක්‍රීඩා අමාත්‍ය රොෂාන් රණසිංහ මහතා පවසනවා.
තමන් ක්‍රිකට් ආයතනයේ දුෂණවලට එරෙහිව සටන් වදින අවස්ථාවේ ජනාධිපති කාර්ය මණ්ඩල ප්‍රධානී සහ ජනාධිපති උපදේශක සාගල රත්නායක විසින් දුෂිතයින් ආරක්ෂා කරමින් ඔවුන් සමඟ එක්ව තමන්ට එරෙහිව කටයුතු කල බව Mee Massoo Tv යූ ටියුබ් නාලිකාව සමඟ සංවාදයකට එක්වෙමින් ඔහු සදහන් කරනවා.
රනිල් වික්‍රමසිංහ මහතා එක් අවස්ථාවක මහනුවර ප්‍රදේශයේ මහවැලි ගඟ මධ්‍යයේ ඇති දුපතක් ඔහුගේ හිතවතෙකුට ලබාදෙන ලෙස තමන්ට බලපෑමක් සිදුකල බවද ඔහු මෙහිදී සදහන් කර තිබෙනවා.
රාජපක්ෂ කඳවුර තමන්ට බිය වී කටයුතු කළ බවත් පවුල් දේශපාලනය තුළ ඔවුන් ඉතා අශෝභන ලෙස කටයුතු කල බවත් පාර්ලිමේන්තුවේ සිටින බහුතරයක් වූ දුෂිතයින් සමඟ දේශපාලනය කිරීමට තමන් සූදානම් නොමැති බැවින් තමන් මෙවර ස්වාධීන අපේක්ෂකයෙකු ලෙස ක්‍රිකට් පිත්ත ලකුණින් ජනාධිපතිවරණයට ඉදිරිපත්වූ බවත් රොෂාන් රණසිංහ මහතා වැඩිදුරටත් සඳහන් කරනවා.
අදාළ සාකච්ඡාව පහතින්,
