ආණ්ඩුව සිපෙට්කෝ තෙල් මිල අහස උසට නග්ගයි

වහාම ක්‍රියාත්මක වන පරිදි ලංකා ඛනිජ තෙල් නීතිගත සංස්ථාවේ ඉන්ධන මිල ඉතිහාසයේ මෙතෙක් නොවූවිරූ මුදලකින් ඉහළ දැමීමට වත්මන් රජය ක්‍රියාකර තිබෙනවා.

ඒ අනුව අද සිට ක්‍රියාත්මක වන පරිදි ඔක්ටේන් 92 පෙට්‍රල් මිල රුපියල් 77 කින් ඉහළ දමා ඇති අතර ඔක්ටේන් 95 පෙට්‍රල් ලීටරයක මිල රුපියල් 76 කින් ඉහළ දැමීමට කටයුතු කර තිබෙනවා.

ඒ අනුව ඔක්ටේන් 92 පෙට්‍රල් ලීටරයක නව මිල රුපියල් 254 ක් වන අතර ඔක්ටේන් 95 පෙට්‍රල් ලීටරයක නව මිල රුපියල් 283 ක් ලෙස සටහන් වනවා.

එමෙන්ම සුපිරි ඩීසල් ලීටරයක රුපියල් 95 කින් ඉහළ දමා ඇති අතර එහි නව මිල ලෙස සටහන් වන්නේ රුපියල් රුපියල් 254 ක් ලෙසයි.

ඉතිහාසයේ රන් අකුරින් මෙම ඉන්ධන මිල ඉහළ යෑම වාර්තා වන අතර එහිදී වත්මන් රජයේ නමත් බලශක්ති අමාත්‍ය ගාමිණි ලොකුගේ හා මුදල් අමාත්‍ය බැසිල් රාජපක්ෂ මහතාගේ නමත් නොමැකෙන ලෙස සටහන් වනු ඇත.