හලාවත ප්‍රදේශය ආශ්‍රිතව මේවනවිට කොවිඩ් වෛරසය පැතිරයෑමේ අවදානම් තත්ත්වය සැලකිල්ලට ගනිමින් හලාවත, නාත්තන්ඩිය සහ වෙන්නප්පුව ප්‍රදේශ වල ජනතාවගේ ගමන් බිමන් සීමාකර හුදෙකලා තත්ත්වයට පත් කළ යුතු බව වයඹ පළාත් ආණ්ඩුකාර රාජා කොල්ලුරේ මහතා කොවිඩ් මර්ධන ජාතික මධ්‍යස්ථානය වෙත දන්වා යවා ඇත.
හලාවත ප්‍රදේශයේ බහුලව සිදු කරගෙන යන ධීවර කර්මාන්ත සහ ඉස්සන් වගාව හේතු කොටගෙන වෛරසය ඉතා වේගයෙන් පැතිර යාමේ අවදානමක් ඇති බවත් එම තත්ත්වය පාලනය කිරීම සඳහා වයඹ පළාතේ සෞඛ්‍ය බලධාරීන් මේ සඳහා වන නිර්දේශ තමන්ල වෙත බාදී ඇති බවත් කොල්ලුරේ මහතා පවසා ඇත.
නාත්තන්ඩිය ප්‍රදේශයේ ඉස්සන් කර්මාන්ත ශාලාවක සේවකයින් 48 ක් ඔවුන්ගේ ආශ්‍රිතයන් පිරිසකට වෛරසය ආසාදනය වී ඇති බවත් අදාල ප්‍රදේශ වලින් සේවකයන් පැමිණෙන බැවින් එවැනි ආසාදිත පුද්ගලයන්ගෙන් වෛරසය පැතිර යාම පාලනය සඳහා මෙම හුදෙකලා කිරීම අත්‍යාවශ්‍ය බවත් ඒ මහතා පවසා ඇත.
