ජාතික ජන බලවේගය ඊයේ (26) දින ‘පොහොසත් රටක් ලස්සන ජිවිතයක්’ ප්‍රතිපත්ති ප්‍රකාශය එලිදැක්වු අතර, එහි ප්‍රජාතාන්ත්‍රිත ආර්ථිකයක් පොහොසත් රටක් යටතේ ජාත්‍යන්තර මුල්‍ය අරමුදල සමඟ වැඩසටහන සම්බන්ධයෙන් දක්වා ඇත්තේ IMF සමඟ යෝජනා නැවත සමාලෝචනය කිරීමක් බව සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා පවසනවා.
මේ සම්බන්ධයෙන් ඔහු X පණිවුඩයක් නිකුත් කරමින් සඳහන් කර සිටියේ, ජාතික ජන බලවේගයට ඡන්දය ලබා දීමෙන් ජාත්‍යන්තර මුල්‍ය අරමුදල (IMF) රටට අහිමි වන බවයි.
IMF යළි සාකච්ඡා කිරීමට හෝ යෝජනා නැවත සමාලෝචනයක් සිදු කිරීමට කිසිදු අවස්ථාවක් නොමැති බව දන්වා ඇති මොහොතක ජාතික ජනබලවේගය විසින් සිය ප්‍රතිපත්ති ප්‍රකාශයට මෙවැන්නක් ඇතුලත් කිරීම සම්බන්ධයෙන් ආචාර්ය හර්ෂ ද සිල්වා මෙහිදී ප්‍රශ්ණ කර සිටිනවා.
