පාස්කු ඉරිදා ත්‍රස්ත ප්‍රහාරයට සෘජුවම සම්බන්ධ පුද්ගලයන් 13 දෙනකු ගැන සඳහන් කරමින් ප්‍රධාන නිගමන 10ක් සඳහන් කිරීමට ඒ ගැන සොයාබැලීමට පත්කළ ජනාධිපති පරීක්ෂණ කොමිෂන් සභාව කටයුතු කර ඇතැයි ‘නිව්ස් 19’ ට අතිශය විශ්වසනීය ආරංචි මාර්ගයකින් සඳහන් විය.
සහරාන්, රිල්වාන්, ෂයිනි, ඉල්හාම්, ඉන්ෂාෆ්, ජමීල්, හස්තුන්, මුවාත්, අසාද්, මුබාරක්, නවුෆර්, මිල්හාන්, සාදික් යන පුද්ගල නාම එසේ සටහන් කර ඇත.
තවුහිද් දෘෂ්ටිවාදය මෙරට ඉස්ලාම් අන්තවාදය ක්‍රියාත්මක වන පදනම යැයි ද ශ්‍රී ලංකා ජමාතේ ඉස්ලාම්, ශ්‍රී ලංකා ජමාතේ ඉස්ලාම් ශිෂ්‍ය ව්‍යාපාරය සහ තවුහිද් කණ්ඩායම් වැනි සංවිධාන ඊට වක්‍රව සම්බන්ධ වී ඇතැයි ද එම නිගමනවල සඳහන් වේ.
මෙවැනි ත්‍රස්තවාදය හා අන්තවාදී ක්‍රියාකාරකම් රට තුළ සිදුවනු ඇති බවට පූර්ව නිශ්චය කිරීමට අපොහොසත් වීම සහ ඊට අදාළ කරුණු සොයා බැලීම හෝ ඊට සම්බන්ධ කවුරුන්ද යන්න පිළිබඳව සොයා බලා නීතියට අනුව ක්‍රියා කිරීම නොසලකා හැරීම සම්බන්ධයෙන් නිලධාරින් හා බලධාරින් පිරිසක් හඳුනාගෙන ඇති බවත් අදාළ නොසලකාහැරීම්වලට ඔවුන් වගකිව යුතු බව ද නිගමනයේ දැක්වේ.
මීට අමතරව තවත් නිගමන හතක් ඇති බව වාර්තා වේ.
එම නිගමන ‘නිව්ස් 19’ කඩිනමින් ඔබට ලබා දෙනු ඇත.
