2024 වසරේ ජනවාරි 1වනදා සිට ඔක්තෝබර් 6 දක්වා කාලය තුළ සුරාබදු දෙපාර්මේන්තුව විසින් මත්පැන් බලපත්‍ර 361ක් ලබාදී ඇති බව සභානායක අමාත්‍ය බිමල් රත්නායක මහතා අද (4) පාර්ලිමේන්තුවේදී පවසා සිටියා.
ඉන් වැඩිම බලපත්‍ර ප්‍රමාණයක් ලබා දී ඇත්තේ බස්නාහිර පළාතේ වන අතර, එම ප්‍රමාණය 110ක්.
ඊට අමතරව දකුණු පළාතට බලපත්‍ර 48ක්, උතුරට 32ක්, නැගෙනහිරට 22ක්, මධ්‍යමට 45ක්, උතුරු මැදට 14ක්, වයඹට 30ක්, ඌව හා සබරගමුවට 30 බැගින් මෙම බලපත්‍ර ලබාදී ඇති බව ඔහු පවසා සිටියා.
මෙම ලබාදුන් බලපත්‍රවලින් 172ක් ලබාදී ඇත්තේ මත්පැන් සිල්ලරට විකිණීම (වයින් ස්ටෝස්) හෙවත් FL- 4 කාණ්ඩය යටතේ ලබාදෙන බලපත්‍ර බව ද ඔහු පෙන්වා දුන්නා.
ඉන් කොළඔ 22ක් ,ගම්පහ 18ක්,කළුතර 08ක්,ගාල්ල 09ක්,මාතර,හම්බන්තොට හා යාපනය 05ක්,කිලිනොච්චිය 16ක්,වව්නියාව,මන්නාරම හා කෑගල්ල 02ක්, ත්‍රිකුණාමලය 04ක් ,මඩකලපුව 01ක්, අම්පාර 05ක්, මහනුවර 11ක්,මාතලේ 06ක්, නුවරඑළිය 08ක්, අනුරාධපුර 04ක්, පොලොන්නරුව 03ක් පුත්තලම හා රත්නපුර ට 06ක්, කුරුණැගල 08 ක් ,බදුල්ල 09 ක් ,මොණරාගල 07 ක් ප්‍රමාණයක් මත්පැන් සිල්ලරට විකිණීම (වයින් ස්ටෝස්) හෙවත් FL- 4 කාණ්ඩය යටතේ ලබාදෙන බලපත්‍රය ලබා දී තිබෙනවා.
මෙහිදී අදහස් දැක් වූ සභානායක බිමල් රත්නායක මහතා,
“මේ බලපත්‍ර දේශපාලන අල්ලස් වශයෙන් පක්ෂ මාරු කිරීම සඳහා හිටපු ජනාධිපති රනිල් වික්‍රමසිංහ මහතා ලබාදුන් බව පැහැදිලිවම ප්‍රකාශ කරන්න කැමතියි”
