අත්අඩංගුවට ගෙන, රඳවා තබාගෙන සිටින නීතිඥ හිජාස් හිස්බුල්ලාට එරෙහි නඩුව පසුගිය 15දා පුත්තලම මහාධිකරණයේදී පැවැති අවස්ථාවේදී මාධ්‍යවේදීන්ට එම නඩුව ආවරණය කිරීමට අවස්ථාව ලබා දී නැත.
නිරෝධායන නීති නිසා වැඩි පිරිසක් අධිකරණ ශාලාව තුළට ගත නොහැකි බව පවසමින් මෙසේ මාධ්‍යවේදීන් ඊට ඇතුළුවීම පොලිසිය විසින් වළකා තිබේ.
ඒ මහාධිකරණ විනිසුරුවරියගේ උපදෙස් මත බව පවසමිනි.
නිරෝධායන නීති ක්‍රියාත්මකවුවද, මාධ්‍යවේදීන්ට අධිකරණ ශාලාව තහනම් කිරීමට කිසිදු හැකියාවක් නැති බවත්, එමගින් සිදුවන්නේ ජනතාවගේ තොරතුරු දැනගැනීමේ අයිතිය උල්ලංඝනයවීම බවත් මේ පිළිබඳව අදහස් දක්වන ජ්‍යෙෂ්ඨ නීතිවේදීහු පවසති.
හිජාස් හිස්බුල්ලාට අධිචෝදනා බාර දීම අද (15) දිනයේ සිදු වී ඇති අතර, එම චෝදනා සඳහා මුල් වූ පාසල් ළමුන්ගේ සාක්ෂි සහිත වාර්තා මෙතෙක් පුත්තලම මහාධිකරණය වෙත යොමු කර නැති බව ද පසුගිය 15දා හෙළ වී තිබේ.
එම වාර්තා කඩිනමින් ලැබීමට සලස්වන ලෙස කොළඹ, තොටුව මහේස්ත්‍රාත්වරයා වෙත මහාධිකරණ විනිසුරුවරිය විසින් නියෝග කර ඇති අතර, නඩුව ලබන 05දා යළිත් කැඳවීමට නියමිතයි.
