හොංකොං හි කාර්යාල කුළුණු හිස් වෙයි

හොංකොං හි කාර්යාල කුළුණු, ලෝකයේ වඩාත්ම මිල අධික වාණිජ දේපළ වන අතර, කිසි කලෙකත් මෙතරම් හිස් වී නැත.

ප්‍රකෝටිපති ලී කා ෂිංගේ ප්‍රධානතම වත්කම වන Cheung Kong මධ්‍යස්ථානයේ සියයට 25ක් පමණ හිස් වී ඇති අතර වික්ටෝරියා වරායේ පුළුල් දර්ශන සහිත ඔහුගේ නවතම ව්‍යාපෘතියේ එක් ඒකකයක් සඳහා පමණක් ගිවිසුම් අත්සන් කර ඇත.

වැඩි පිරිසක් නිවසේ සිට වැඩ කරන බැවින් වාණිජ දේපළ වෙළඳාම් නිව්යෝර්ක් සිට සිඩ්නි දක්වා අර්බුදයකට ලක්ව ඇති අතර, හොංකොං ගෝලීය ආයෝජකයින් සහ දේශීය ධනවතුන් විසින් වරක් දැඩිව ආශා කරන ලද වෙළඳපලක් දිගුකාලීන පසුබෑමකට තුඩු දිය හැකි අභියෝග රැසකට මුහුණ දී සිටී.

සමස්ත A ශ්‍රේණියේ පුරප්පාඩු අනුපාතය අප්‍රේල් මාසයේදී සියයට 15ක් පමණ වූ බව Colliers International Group හි දත්ත පෙන්වා දෙයි.

එය 2019 ට වඩා තුන් ගුණයකටත් වඩා වැඩි වන අතර, Manhattan හි සියයට 12.5 අනුපාතය සහ ප්‍රතිවාදී ආසියානු කේන්ද්‍රස්ථානය වන සිංගප්පූරුවේ සියයට 4.6 මට්ටම ද ඉක්මවා ගොස් තිබේ.

මේ අතර, CK Asset Holdings සහ Henderson Land Development වැනි සංවර්ධකයින් තවත් අහස උසට ගොඩනැගිලි ඉදිකරමින් සිටියි.

ඉදිරි වසර තුන තුළ අවම වශයෙන් වර්ග අඩි මිලියන 7 ක A ශ්‍රේණියේ ඉඩ ප්‍රමාණයක් වෙළඳපොළට පැමිණෙනු ඇති බව CBRE ඇස්තමේන්තු කර ඇත.