පොලිස් දෙපාර්තමේන්තුව තුළ සිටින කුප්‍රකට පොලිස් නිලධාරියෙකු වන ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් නම් පුද්ගලයා ඊයේ (09) ගාලුමුවදොර ඇතිවූ භීෂණකාරී තත්ත්වයට සම්පූර්ණයෙන් වගකිවයුතු බව ජනමාධ්‍යවේදීන් චෝදනා කරනවා.
මෙම නියෝජ්‍ය පොලිස්පතිවරයා පොදුජන පෙරමුණේ මැරයින් හට ගාලුමුවදොර වෙත පැමිණීමට සියලු පහසුකම් සපයා ඇති අතර කඳුළු ගෑස් තබා පොලිස් මාර්ග බාධකයක් හෝ නොදමා ඔවුන්ට පැමිණීමට අවස්ථාව ලබාදී තිබෙනවා.
රාජ්‍ය අමාත්‍ය සනත් නිශාන්ත විසින් පොහොට්ටු මැරයන් මෙම ස්ථානයට රැගෙන විත් ඇති අතර දේශබන්දු තෙන්නකෝන් සනත් නිශාන්ත සමඟ එකපෙළට ගාලු මුවදොරට පැමිණි බව සිදුවීම වාර්තා කළ මාධ්‍යවේදීන් සඳහන් කරනවා.
ඒ බව තහවුරු කෙරෙන ඡායාරූප මේ වන විට මාධ්‍ය වෙත නිකුත් කෙරෙමින් පවතිනවා.
කෙසේවෙතත් විරෝධතාකරුවන් විසින් රාජ්‍ය අමාත්‍ය සනත් නිශාන්තගේ ආරච්චිකට්ටුවේ පිහිටි නිවස ඊයේ (09) සම්පූර්ණයෙන්ම ගිනිබත් කිරීමට කටයුතු කර තිබුණා.
