මෙවර රාජ්‍ය පොසොන් උත්සවයේ සියලු සංවිධාන කටයුතුවලින් ඉවත් වීමට තීරණය කළ බව මිහින්තලය රජමහා විහාරයේ විහාරාධිපති පූජ්‍ය වලවාහැංගුණවැවේ ධම්මරතන හිමියෝ පවසනවා.
උන්වහන්සේ පෙන්වා දෙන්නේ, මිහින්තලා පුදබිමේ කටයුතු සඳහා පුරාවිද්‍යා නිලධාරීන්ගෙන් එල්ල වන බලපෑම් හේතුවෙන් තමන් එම කටයුතුවලින් ඉවත් වීමට තීරණය කළ බවයි.
ප්‍රවෘත්ති සාකච්ඡාවක් පවත්වමින් පුජ්‍ය වලවාහැංගුණවැවේ ධම්මරතන හිමි මෙම අදහස් පළ කළා.
උන්වහන්සේ එහිදී වැඩිදුරටත් කියා සිටියේ,
“මේක කරන්න හම්බ වෙන්නේ නැහැනේ. ඒ හින්දා මං ඉවත් වෙනවා ඒකත් පුරාවිද්‍යා අධ්‍යයක්ෂ ජෙනරාල්වරයාට මේ පනතේ හැටියට රාජ්‍ය පොසොන් පිංකම කරන්න කියලා ඉඩ දෙනවා.
මිලියන 300 ගියා කියනවා බෝදාගම හාමුදුරුවොත් ඒක්ක, අපි දන්නෑ ගිවිසුම මොකක්ද කියලා. ඉතින් මල්වතු මහ නායක අතිගරු ශ්‍රීමත් මහානායක හාමුදුරුවෝ ජනාධිපතිට ලියුමක් දැම්මා මේ ගිවිසුම අහෝසි කරන්න මොකද රටවල් දෙකක් අතර ගිවිසුමුත් අහෝසි කරනවා. මේක අහෝසි බැරි කමක් නෑනේ.අපිට චෙත්‍ය හදන්න පුලුවන් හතක් අටක් ඔය විදිහට. මේ කට්ටිය මුදල් මත මේක විකුණලා තියෙන්නේ. ඒ නිසා ජනාධිපතිතුමනි, අධ්‍යක්ෂ ජෙනරාල්තුමා කියනවා මිලියන 300ක් වියදම් වෙලා තියෙනවා කියලා මල්වතු මහා නායක හාමුදුරුවෝ ඉදිරිපිට කිව්වා, තවත් හාමුදුරුවරු හිටියා….
ඒ හින්දා මේ මිලියන 300 මොකටද ගියේ කියලා සොයා බලා කටයුතු කරන්න.මෙ කලාප භාර පුරාවිද්‍යා කෞතුකාගාරය භාරව ඉන්න නෝනලා මහත්වරු, පුරාවිද්‍යා නිලධාරීන් එකතු වෙලා පොසොන් පිංකම කරන්න.
ඒ නිසා මම රාජ්‍ය පොසොන් උත්සවයෙන් ඉවත් වෙනවා. මම ප්‍රාදේශීය ලේකම්තුමාට ලියුමක් දෙන්නම් රාජ්‍ය පොසොන් කමිටුවෙන් ඉවත් වෙනවා කියලා….”
