බ්‍රිතාන්‍යයේ පැවැත්වෙන Laurence Olivier Awards – 2022 සම්මාන උළෙලේදී හොඳ ම නළුවාට හිමි සම්මානය හිමි කර ගැනීමට ශ්‍රී ලාංකික රංගන ශිල්පියෙකු වන හිරාන් අබේසේකර මහතා සමත් වුණා.
ඊයේ (10) රාත්‍රියේ එංගලන්තයේ, ලන්ඩන් නුවර රෝයල් ඇල්බර්ට් ශාලාවෙහි පැවති මෙම සම්මාන උළෙලේදී ඔහු මෙම සම්මානය දිනා ගත්තේ, යාන් මාර්ටෙල් විසින් රචිත ‘ලයිෆ් ඔෆ් පයි’ නවකතාවේ වේදිකා අනුවර්තනය වෙනුවෙනි.
‘ලයිෆ් ඔෆ් පයි’ වේදිකා නාට්‍යය ලොලිටා චක්‍රබර්ත්ගේ නිර්මාණයක්.
සම්මානය ලබාගැනීමෙන් අනතුරුව හිරාන් සිදුකළ කතාව මේ වන විට ලෝකයේම අවධානය දිනාගෙන සිටිනවා.
එහිදී හිරාන් සදහන් කළේ ශ්‍රී ලංකාවේ පවතින අර්බුදය පිළිබදවයි.
“මගේ රට ශ්‍රී ලංකාව, මේ වෙද්දී අමාරු කාලයක් ගත කරමින් ඉන්නේ. මම ඔබ ගැන හිතනවා. මට ඔබ සමග එහි සිටියා නම් හොඳයි කියලා හිතෙනවා. මචං මම උඹලට ආදරෙයි. ජය වේවා..!”
