ඇමරිකාවේ පැවති ලෝක විවාහක රූ රැජින තරගාවලියේදී තමනට අසාධාරණයක් වූ බව එම තරඟාවලියට ශ්රී ලංකාවෙන් සහභාගී වූ පුෂ්පිකාද සිල්වා මහත්මිය සදහන් කරනවා.
එම අසාධාරණකම් සිදු නොවුනේ නම් තමන් එම තරඟාවලියෙන් ජය ගැනීමට ඉඩ තිබූ බව ඇය සිය ෆේස්බුක් හා ඉන්ස්ටග්‍රෑම් ගිණුම්වල සටහන් තබා තිබෙනවා.
මේ අතර මාධ්‍යවේදී චමුදිත සමරවික්‍රම මහතා සමඟ සම්මුඛ සාකච්ඡාවකට එක්වෙමින් පුෂ්පිකා ද සිල්වා මහත්මිය රෝසි සේනානායක මහත්මියටද විවිධාකාරයෙන් චෝදනා එල්ල කළා.
රෝසි සේනානායක මහත්මියද ඇමරිකාවේ පැවති Mrs.World තරඟාවලිය නැරඹීමට සහභාගීවූ බවත් ඇයගේ ගුවන් ටිකට්පත් මෙන්ම ජාතික සංවිධායක චන්දිමාල් ජයසිංහගේ ගුවන් ටිකට්පතද තමන්ගේ වියදමින් ලබාදුන් බවත් පුෂ්පිකා ද සිල්වා මහත්මිය සදහන් කරනවා.
කෙසේ වෙතත් තමන්ගේ ළඟින්ම සිටි පුද්ගලයින් තමන්ට එරෙහිව කුමන්ත්‍රණයක් දියත් කළ බවත් මේ නිසා තමන්ට කිරුළ අහිමි වූ බවත් ඇය පවසනවා.
තමන්ගේ කිරුළ අහිමිවූයේ නාකි විවාහක රූ රැජිනක් බව ඇය මෙහිදී සදහන් කළා.
චන්දිමාල් ජයසිංහවද තමන්ට කිසිසේත්ම විශ්වාස කළ නොහැකි බවත් කොරෝනා සමයේ ඔහුගේ උපන්දින සාදයටද තමන්ව කැදවා අපහසුතාවයට පත්කිරීමට උත්සහ කළ බවත් ඇය සදහන් කරනවා.
කෙසේ වෙතත් තරඟයේ සිවුවන ස්ථානයක් නොමැති බවට ඇය දැන නොසිටියේදැයි චමුදිත සමරවික්‍රම ඇයගෙන් කළ ප්‍රශ්න කිරීමට ඇය නිසි පිළිතුරක් දීමට අපොහොසත් වනවා.
