තමා කිසිඳු අවස්ථාවක ජාතික රෝහල තුළ කාර්යාල අඩස්සියට පත් නොවු බව එම රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලන මහතා පවසනවා.
ඔහු සඳහන් කර ඇත්තේ සේවකයින් කිහිප දෙනෙකු උද්ඝෝෂණය කළ පමණින් තමන් සේවයෙන් ඉවත් වීමට කිසිදු අවස්ථාවක සුදානම් නොමැති බවයි.
වෛද්‍ය රුක්ෂාන් බෙල්ලන මහතා කොළඹ ජාතික රෝහලේ කණිෂ්ඨ කාර්ය මණ්ඩලය සම්බන්ධයෙන් සිදුකළ ප්‍රකාශයක් හේතුවෙන් මේ වනවිට එම සේවකයින් අතර නොසන්සුන්කාරී තත්ත්වයක් හටගෙන තිබෙනවා.
ඒ අනුව, එම ප්‍රකාශයට විරෝධය පළ කරමින් ඊයේ (17) දිනයේදී වෛද්‍ය රුක්ෂාන් බෙල්ලන මහතා පැය 06ක පමණ කාලයක් කාර්යාල අඩස්සියේ තබා ගැනීමට සේවකයින් කටයුතු කර තිබුණා.
මේ අතර, අද (17) දිනයේත් ජාතික රෝහල තුළ විරෝධතා ක්‍රියාමාර්ගයක් දියත් කර තිබුණා.
මෙහිදී කණිෂ්ඨ කාර්ය මණ්ඩල සේවකයින් සඳහන් කර ඇත්තේ වෛද්‍ය රුක්ෂාන් බෙල්ලන මහතා ජාතික රෝහලේ සේවයට වාර්තා කළහොත් තමන් වෘත්තීය ක්‍රියාමාර්ග ගන්නා බවය.
