ජනප්‍රිය ටෙලි නාට්‍ය අධ්‍යක්ෂ ප්‍රදීප් ධර්මදාසගේ කුළුඳුල් සිනමා අධ්‍යක්ෂණය වන “අයිස්ක්‍රීම්” චිත්‍රපටයේ පූර්ව ප්‍රචාරක පටය පසුගියදා (21) එළිදැක්වුණා.
හේමාල් රණසිංහ, සරත් කොතලාවල, අයිෂාරා අතුකෝරල, රුක්මාල් නිරෝෂ්, බිමල් ජයකොඩි, ජයලත් මනෝරත්න, දමිතා අබේරත්න, වීණා ජයකොඩි, චමිලා පීරිස්, රොෂාන් රණවන, ඩී.බී. ගංගොඩතැන්න, මඳුශාන් නානායක්කාර, චින්තක වාස්, දයා තෙන්නකෝන් ඇතුළු රංගන ශිල්පින් ශිල්පිනියන් රැසක් මේ සඳහා රංගනයෙන් දායක වී තිබෙනවා.
රංගන ශිල්පී කලණ ගුණසේකරගේ පිටපතකට අනුව නිර්මාණය කරන ලද “අයිස් ක්‍රීම්” හි කැමරා අධ්‍යක්ෂණය චින්තක සෝමකිර්ති විසින් සිදු කරන ලද අතර එහි සංස්කරණය රුක්මාල් නිරෝෂන් විසින් නිම කරනු ලැබුවා.
එමෙන්ම, වර්ණ සංයෝජනයෙන් දිනිදු ජාගොඩත් වේශ නිරූපණයෙන් නාරද තොටගමුවත් දායක වී තිබෙනවා.
සිනමා පටයේ නර්තන වින්‍යාසය එස්. ක්‍රිෂ්ණකාන්තන් විසිනුත් සටන් අධ්‍යක්ෂණය සමන් ඕෂධ බණ්ඩාර විසිනුත් නිම කෙරුණා.
සංගීත අධ්‍යක්ෂණය කසුන් කල්හාර, ගී පද රචනය මංජුල වෙඩිවර්ධන සහ ගායනය කුෂානි සඳරේඛා සහ කසුන් කල්හාර විසිනි.
ශ්‍රී ලාංකික ප්‍රේක්ෂකයින්ට ළඟදීම “අයිස්ක්‍රීම්” චිත්‍රපටය සිනමා හල්වලදී නැරඹීමට අවස්ථාව හිමි වෙනු ඇති.
“අයිස්ක්‍රීම්” චිත්‍රපටයේ පූර්ව ප්‍රචාරක පටය මෙතැනින් නරඹන්න,
