උසස් අධ්යාපන ආයතනයක කිසියම් සිසුවකු නවකවදයට ලක් වන්නේ නම් ඒ බව ක්ෂණික ඇමතුමක් දීමට ක්ෂණික ඇමතුම් අංකයක් ඉදිරි සති කිහිපය තුළ හඳුන්වා දෙන බව උසස් අධ්යාපන රාජ්ය අමාත්ය සුරේන් රාඝවන් මහතා පවසනවා.
“ස්ථාවර රටකට සැවොම එක මගකට“ යන මැයෙන් ජනාධිපති මාධ්ය කේන්ද්රයේ ඊයේ (14)පැවැති මාධ්ය හමුවට සහභාගි වෙමින් උසස් අධ්යාපන රාජ්ය අමාත්යවරයා මේ බව සඳහන් කර සිටියා.
මෙම ක්රියාවලිය හරහා නවකවදය යම් තරමකින් හෝ නතර කිරීමට ඉදිරියේදී හැකිවනු ඇති බව අමාත්යවරයා පවසනවා.
එමෙන්ම ඔහු පවසන්නේ නවකවදය දෙමින් පුරවැසි අයිතිවාසිකම් උදුරාගැනීම සමාජයට නුසුදුසු ක්රියාවලියක් අතර එය මානව හිංසාව 21 වැනි සියවසට නොගැළපෙන ක්රියාවක් වන බවයි.
කෙසේ වෙතත් නව ක්රමවේදය හඳුන්වා දීමෙන් මෙරට ක්රියාත්මක නවකවදය යම් තරමකින් නතර කිරීමට ඉදිරියේදී හේතුවක් වන බව අමාත්ය සුරේන් රාඝවන් මහතා පවසා සිටියා.