සයිබර් ක්ෂේත්රයට අදාළව පවතින නීති අවභාවිතා කර ජනතාවගේ අදහස් ප්රකාශ කිරීමේ අයිතිය සීමා කරමින් අනවශ්ය ගැටලු නිර්මාණය නොකරන්නැයි පකිස්තානයේ ඉස්ලාමාබාද් අධිකරණය එරට පොලිසියට අවවාද කොට තිබේ.
පකිස්තාන ෆෙඩරල් විමර්ශන කාර්යංශයේ සයිබර් අපරාධ ඒකකයේ ප්රධානියා වෙත ඉස්ලාමාබාද් මහාධිකරණයේ අගවිනිසුරු අතාර් මින්අල්ලා ප්රකාශ කර ඇත්තේ මෙවැනි නීති අවභාවිතා කිරීම හරහා පොලිසිය සමාජය තුළ ත්රස්තවාදයක් නිර්මාණය කරන බවයි.
බිලාල් ගවූරි, අසාද් තූර් ඇතුලු පකිස්තාන ජනමාධ්යවේදීන් පිරිසක් විසින් පොලිසියට එරෙහිව ගොනු කර තිබූ නඩුවක් විභාගයට ගත් අවස්ථාවේ අධිකරණය මේ බව ප්රකාශ කර තිබිණ.
කිසිදු සාධාරණ හේතු දැක්වීමකින් තොරව හුදු පැමිණිලි කිහිපයක් මත සයිබර් නීතියට අදාළ වැරදි කළ බව පවසමින් පොලිසිය මෙම ජනමාධ්යවේදීන්ට එරෙහිව නීතිමය ක්රියාමාර්ග ගෙන තිබිණ.
සයිබර් නීති යොදාගෙන ජනමාධ්යවේදීන්ගේ සහ ජනතාවගේ විසම්මුතික අදහස් අනවශ්ය ලෙස පාලනය කිරීමට පකිස්තාන බලධාරීන් කටයුතු කරන බවට එරට ක්රියාකාරිකයෝ දිගින් දිගටම චෝදනා කරති.