නීතිඥයින්, වෘත්තිකයින් හා තරුණ ජනමාධ්‍යවේදීන්ගේ සංගමයේ සාමාජිකයින් එක්ව අද (10) ගාලු මුවදොර පිටිය අසළ පැවති පාගමනට පොලීසියෙන් බාධා එල්ලකර තිබෙනවා.
පොලීසිය පවසා ඇත්තේ අදාළ පාගමන හා විරෝධතාවය පිළිබදව පැය 06 කට පෙර පොලීසිය දැනුවත් කිරීමට කටයුතු කර නොමැති බවයි.
මේ සම්බන්ධයෙන් අදහස් දක්වමින් තරුණ ජනමාධ්‍යවේදීන්ගේ සංගමයේ සභාපති තරිදු ජයවර්ධන මහතා පවසන්නේ ඊයේ රාත්‍රී 12 ට කොටුව පොලීස් ස්ථානයට, පොලිස්පතිවරයාට හා ශ්‍රී ලංකා මානව හිමිකම් කොමිෂමට අදාළ පාගමන හා විරෝධතාවය පිළිබදව ලිඛිතව විද්යුත් තැපෑල මාර්ගයෙන් දැනුම්වත් කළ බවයි.
ඊට අදාළ ලිඛිත සාක්ෂි පොලීසියට ඉදිරිපත් කර තිබියදීත් පොලීසිය අනීතිකව මෙම පාගමන වැළැක්වීමට කටයුතු කිරීම පිළිබදව ඔවුන් සිය අප්‍රසාදය දැඩිව පලකර සිටියා.
ඊට අදාළ දර්ශන පහතින්,
