ඉම්තීයාස් බාකීර් මාකර් මහතා සමගි ජනබලවේගයේ සභාපතිධුරයෙන් ඉල්ලා අස්වී තිබෙනවා.
මේ වන විට ඔහු සිය ඉල්ල අස්වීමේ ලිපිය පක්ෂ නායක සජිත් ප්‍රේමදාස මහතා වෙත යොමු කර ඇති අතර එම ලිපියෙහි පිටපත් පක්ෂ මහලේකම් රංජිත් මද්දුම බණ්ඩාර සහ හර්ෂ ද සිල්වා යන මහත්වරුන් වෙත යොමු කර ඇති බව වාර්තා වෙනවා.
ඉම්තීයාස් බාකීර් මාකර් මහතා සමගි ජනබලවේගයේ සභාපතිධුරයට පත් කරනු ලැබූයේ මීට මාස 6කට පෙරයි.
පක්ෂයේ අභ්‍යන්තර ගැටුම් හේතුවෙන් අදාළ තනතුරෙන් ඉම්තීයාස් බාකීර් මාකර් මෙලෙස ඉල්ලා අස්ව ඇති බව වැඩිදුරටත් වාර්තා වෙනවා.
පසුගිය දෙසැම්බර් මාසයේදී පක්ෂ නායක සජිත් ප්‍රේමදාස මහතා වෙත ලිපියක් නිකුත් කර ඉම්තීයාස් බාකීර් මාකර් මහතා ඉල්ලීම් කර තිබුණේ, නායකත්වය හා බිම් මට්ටම අතර නිවැරැදි සම්බන්ධතාවක් ගොඩනගා ගනිමින් සමගි ජන බලවේගය ප්‍රතිසංවිධානය කිරීමට කටයුතු කරනා ලෙසයි.
නිර්දේශ 12ක් සහිතව සහිත එම ලිපිය මඟින්, දරන්නා වූ මතවාදය ගැන එක ස්ථාවරයකට පැමිණ කණ්ඩායමක් ලෙස, ඉහළ සිට පහළ දක්වා ක්‍රියාකාරිකයන් එක හඩකින් කතා කිරීමට පෙළගස්වා ගනිමින් පක්ෂය ප්‍රතිසංවිධානය කළ යුතු බව ඔහු අවධාරණය කර තිබුණා.
