මේ වන විට ඉන්දියාව තුළ ආන්දෝලනයට තුඩු දී ඇති Jai Bhim චිත්‍රපටයේ ප්‍රධාන චරිතය නිරූපනය කරන සූර්යා හට වන්නියාර් ප්‍රජාවෙන් තර්ජන එල්ල වීම හේතුවෙන් ඔහුගේ නිවසට සන්නද්ධ පොලිස් ආරක්ෂාව ලබා දීමට කටයුතු කර තිබෙනවා.
සූර්යා, ඔහුගේ බිරිද වන ජනප්‍රිය නිළි ජෝතිකා සහ අධ්‍යක්ෂ ටී.ජේ ඥානවේල් මෙන්ම ඇමසන් ප්‍රයිම් වීඩියෝ ආයතනය වෙත ද විරෝධය එල්ල කරමින් වන්නියර් සංගමය නොවැම්බර් 15 වන දා නිකුත් කළ නිවේදනයකින් දැනුම් දී ඇත්තේ චිත්‍රපටයෙන් වන්නියාර් ප්‍රජාවගේ කීර්ති නාමයට කැළලක් එක් කර ඇති බවයි.
ටී නගර් හි පිහිටි සූරියාගේ නිවසට අවි ආයුද සමඟ පොලිස් නිලධාරීන් පස් දෙනෙකු යෙදවීමට පියව ගෙන ඇත්තේ ඒ අනුවයි.
Jai Bhim හි ඇතැම් දර්ශන වන්නියාර් ප්‍රජාවගේ කීර්ති නාමයට හානියක් බව එම නිවේදනයේ සඳහන් වෙනවා.
මේ පිළිබඳ සූර්යා ඇතුළු නිෂ්පාදන කණ්ඩායම ප්‍රසිදිධියේ සමාව ඉල්ලීම ඇතුළුව රුපියල් කෝටි පහක වන්දියක් වන්නියාර් ප්‍රජාව වෙත ගෙවිය යුතු බව ද එම නිවේදනයේ සඳහන් වුණා.
එම නිවේදනයෙන් පසු වන්නියාර් සංගමයේ සාමාජිකයන් සූර්යා හට විවෘත තර්ජන ද එල්ල කර ඇති බවයි සඳහන් වෙන්නේ.
ටී.ජේ ඥානවේල් විසින් අධ්‍යක්ෂණය කරනු ලැබූ Jai Bhim සූරියා සහ ජෝතිකාගේ 2D Productions විසින් නිෂ්පාදනය කෙරුණා.
එම චිත්‍රපටයෙන් එරට ඇති කුළ භේදය දැඩිව විවේචනය කර ඇති අතර ඉන්දියානු පොලීසිය විසින් සාමාන්‍ය ජනතාවට සිදුවන අසාධාරණකම් පිළිබදවද සාකච්ඡා කර තිබෙනවා.
