ඉන්දියානු නාවික හමුදාවට අයත් ‘INS SAHYADRI’ යුද නෞකාව නිල සංචාරයක් සඳහා ඊයේ (04) දින දිවයිනට පැමිණ තිබෙනවා.
ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීම කොළඹ වරායේදී සිදු කෙරුණා.
මෙලෙස දිවයිනට පැමිණි ෆ්‍රිගේට් වර්ගයේ ‘INS SAHYADRI’ නමැති යුද නෞකාව දිගින් මීටර් 143 ක් හා නැව්මුළුව 320 ක ගෙන් සමත්විතයි.
‘INS SAHYADRI’ නෞකාව දිවයිනේ රැඳී සිටින කාලසීමාව තුළ එහි නැව්මුළුව, ශ්‍රී ලංකා නාවික හමුදාව විසින් දෙරටේ නාවික හමුදාවන්ගේ සුහදත්වය වර්ධනය කිරීම වෙනුවෙන් සංවිධානය කරනු ලබන විවිධ වැඩසටහන් සඳහා සහ දිවයිනේ ආකර්ෂණිය සංචාරක ස්ථාන නැරඹීම සඳහා සහභාගි වීමට නියමිතව තිබෙනවා.
නිල සංචාරය අවසන් කරමින් ‘INS SAHYADRI’ නෞකාව 2025 අප්‍රේල් මස 07 වැනි දින දිවයිනෙන් පිටත්ව යාමට නියමිත බවයි වාර්තා වෙන්නේ.
