ව්‍යාජ ප්‍රකාශ සහ වැරදී වැටහීම් හේතුවෙන් ඉන්දියාවේ බිහාර් ප්‍රාන්තයේ වැසියන් එන්නත් ලබා දෙන සෞඛ්‍ය නිලධාරීන් පලවා හැරීමට කටයුතු කර තිබෙනවා.
ගම්වාසීන් සෞඛ්‍ය කණ්ඩායම් සමඟ ගැටුම් ඇති කර ගත් අවස්ථා කිහිපයක් ද ඒ අතර වාර්තා වුණා.
බිහාර්හි ගම්මාන කිහිපයකම වැසියන් එන්නත ලබා ගැනීමට මැලිකමක් දක්වන බව සෞඛ්‍ය අංශ මේ සම්බන්ධයෙන් අදහස් දක්වමින් ප්‍රකාශ කරනු ලැබුවා.
එන්නත ලබා ගැනීමෙන් මියයතැයි බොහෝ පිරිසකගේ විශ්වාසය වී තිබෙනවා.
එන්නත හේතුවෙන් මියයාමට සිදුවුවහොත් සිය දරුවන් ඇතුළු පවුල අසරණ වෙතැයි සෞඛ්‍ය අංශ වෙත විරෝධය දක්වමින් ඔවුන් ප්‍රකාශ කර සිටියා.
එමෙන්ම හොඳ තත්වයේ එන්නත් අපනයන කර ප්‍රමිතියෙන් තොර එන්නත් තමන්ට ලබා දෙන බවට ද ඔවුන් රජය වෙත සහ සෞඛ්‍ය අංශ වෙත චෝදනා කරමින් සිටිනවා.
එන්නත් හේතුවෙන් වඳභාවය ද ඇති විය හැකි බවට දුර්මත පැතිර යාම සහ තවත් කටකතා ප්‍රාන්තයේ අඛණ්ඩ එන්නත්කරණ ක්‍රියාවලියට විශාල තර්ජනයක් වී ඇති බව පැවසෙනවා.
