ඉදිරියේදී ආරම්භ වීමට නියමිත මුස්ලිම් ජාතිකයින්ගේ උපවාස මාසයට ආහාරයට ගැනීමට සවුදි රටවල්වලින් ලබාදෙන රටඉඳිවලට වත්මන් රජය ඒවා ගෙන්වීමේදී ආනයනික බද්දක් ලබාගැනීමට තීරණය කිරීමත් සමග මුස්ලිම් ජාතිකයන්ට බලවත් අසාධාරණයක් සිදුවී ඇති බව ශ්‍රී ලංකා නිදහස් පක්ෂයේ මධ්‍යම කාරක සභික ෆවුසර් අන්වර් මහතා පවසනවා.
ඔහු පවසන්නේ, මෙම රටඉඳි බෙදාහරින්නේ සෑම පල්ලියකින්ම නොමිලේ වන අතර එම නිසා මේ සඳහා ආනයනික බද්දක් අය කිරීම අසාධාරණ බවයි.
කෙසේවෙතත් ශ්‍රී ලංකා ඉතිහාසයේ සෑම රජයකම මුස්ලිම් අමාත්‍යවරයෙකු සිටි බවත් නමුත් වත්මන් රජයේ කිසිදු මුස්ලිම් අමාත්‍යවරයකු නොමැති බවයි ඔහු පවසන්නේ.
මෙම රජය පත්කිරීම සඳහා මුස්ලිම් ජනතාවගෙන් 70%ක් ඡන්දය දුන් අතර එම නිසා අපට මෙම නොමිලේ ලබාදෙන ආහාරවලට බදු ඉවත් කරදෙන මෙන් රජයේ බලධාරීන්ගෙන් ඉල්ලා සිටින බව ෆවුසර් අන්වර් මහතා වැඩිදුරටත් කියා සිටියා.
