පාස්කු ඉරුදින ත්‍රස්ත ප්‍රහාරය හා සමාන අන්තවාදි ප්‍රහාරයක් ඉදිරියේදි යළි එල්ලවෙතැයි පුජ්‍ය ගලගොඩඅත්තේ ඥානසාර හිමියන් සිදුකළ හෙළිදරව් සම්බන්ධයෙන් කඩිනමින් විමර්ශනයක් සිදුකරන්නැයි කතෝලික සභාව රජයෙන් සහ පොලිස්පතිවරයාගෙන් ඉල්ලා සිටිනවා.
කොළඹ පිහිටි අගරදගුරු මැදුරේ අද (16) පැවති ප්‍රවෘත්ති සාකච්ඡාවකදි ගරු සිරිල් ගාමිණි පියතුමන් මේ බව සදහන් කළා.
2021 සැප්තැම්බර් මස 13 වනදා හිරු නාලිකාවේ විකාශය වූ සලකුණ දේශපාලන වැඩසටහන එක්වු පුජ්‍ය ගලගොඩඅත්තේ ඥානසාර හිමියන් පාස්කු ප්‍රහාරයට සමාන තවත් අන්තවාදී ප්‍රහාරයක් එල්ලවීමේ හැකියාවක් පවතින බවත්, එම ප්‍රහාරය ඕනෑම අවස්ථාවක එල්ල විය හැකි බව හා ඒ සදහා අවි ආයුධ සුදානම් බවත්, එම ප්‍රහාරය සිදුකරන්නේ කවුද, එම කණ්ඩායම් මේ වන විට සිටින්නේ කොතැනද යන්න උන්වහන්සේ දන්නා බවත් ඒ පිළිබද ඔප්පු කළ හැකි බවත් ප්‍රකාශ කර තිබුණා.
එහිදි ඥානසාර හිමියන් වැඩිදුරටත් සදහන් කර තිබුණේ තමන් මේ පිළිබද ජනාධිපතිවරයාවද දැනුවත් කර ඇති බවයි.
