පසුගිය රජයන් සමයේ කෘෂිකර්ම අමාත්යාංශයේ යම් යම් අක්රමිකතා සිදුව ඇති බව ඉඩම්, කෘෂිකර්ම, පශූ සම්පත්, වාරිමාර්ග සහ ධීවර හා ජලජ සම්පත් අමාත්යාංශයේ ලේකම් එම්. පී. එන්. එම් වික්රමසිංහ මහතා පවසනවා.
ඒ සම්බන්ධයෙන් පරීක්ෂණ කටයුතු සිදුකරන බව අද (21) ප්රවෘත්ති සාකච්ඡාවට එක්වෙමින් ඔහු සඳහන් කළා.
පසුගිය කාලයේ කෘෂිකර්ම අමාත්යංශය විසින් කුලී පදනම මත ලබාගෙන තිබූ ගොඩනැගිල්ලක තැන්පතු මුදල සම්බන්ධයෙන්ද ඔහු මෙහිදී හෙළිදරව්වක් කර සිටියා.
“කෘෂිකර්ම අමාත්යාංශයත් යම් යම් අක්රමිකතා දැන් සොයාගන්නවා. කෘෂිකර්ම අමාත්යාංශයට පසුගිය කාලයේ ගොඩනැඟිල්ලක් ලබාගෙන තියෙනවා කෝටි 66ක තැන්පතු මුදලක් ලබාදී තිබෙනවා. සාමාන්යෙයන් බැංකුවකින් බැඳුම්කරයක් ලබා ගන්නවා. ඒක අරගෙනත් නෑ. දැනට එම බිල්ඩින් එක ඔවුන්ට භාරදීලා තියෙන්නේ. නමුත් තවමත් එම තැන්පතු මුදල ලබාගෙන නැහැ.”
එම සිද්ධිය සම්බන්ධයෙන් නීතිපති උපදෙස් අනුව ඉදිරි නීතිමය කටයුතු කිරීමට සැලසුම් කර ඇති බව ලේකම්වරයා සඳහන් කළා.
එම ගොඩනැගිල්ල ප්රවීණ නිළි සබීතා පෙරේරා මහත්මියගේ සැමියාට අයත් වන අතර එය රාජගිරිය ප්රදේශයේ පිහිටා තිබෙනවා.
දුමින්ද දිසානායක මහතා කෘෂිකර්ම අමාත්යවරයා ලෙස කටයුතු කළ සමයේදී මෙම ගොඩනැගිල්ල කුලී පදනම මත ලබා ගෙන තිබුණු අතර එම කාලය තුළදීද ඊට දැඩි විරෝධයක් එල්ල වුණා.