තමන් සමඟ දේශපාලන කටයුතුවලට සම්බන්ධ වන ලෙසට මෙවර මහ මැතිවරණ සටනින් ඉවත් වූ හිටපු අමාත්ය සහ සමගි ජන බලවේගයේ ගම්පහ දිස්ත්රික් පාර්ලිමේන්තු මන්ත්රී අජිත් මාන්නප්පෙරුම මහතාට දේශපාලන පක්ෂ 10කින් ඇරයුම් ලැබී ඇති බව වාර්තා වනවා.
ඒ අනුව, දේශපාලන පක්ෂවල නායකයන් කිහිප දෙනෙකු පසුගිය දින කිහිපයේදී ඔහුගේ නිවෙසට පැමිණ මෙලෙස ආරාධනා කර ඇති බවයි වාර්තා වන්නේ.
ඔහු සඳහන් කර ඇත්තේ, වසර විස්සක කාලයක් දැරූ ගම්පහ ආසන සංවිධායක ධූරය නාමයෝජනා අත්සන් කිරීමෙන් පසු පක්ෂ නායකත්වය තමාව දැනුවත් නොකර ඉවත් කිරීමෙන් තමන් දැඩි ලෙස පීඩනයට පත්ව සිටින බවත්, මෙම ඇරයුම් සම්බන්ධයෙන් මෙතෙක් කිසිදු තීරණයක් ගෙන නොමැති බවයි.
ඡන්දයට ඉදිරිපත් නොවූවත් ගම්පහ සමඟ ජන ජන බලවේග ලැයිස්තුවේ අංක 10 යටතේ තවමත් සිටින තත්වය යටතේ වෙනත් පක්ෂවලට සම්බන්ධවීම සදාචාරාත්මක නොවන කාරණයක් බව තමාගේ හෘද සාක්ෂිය පවසන බවද ඔහු වැඩිදුරටත් සඳහන් කර තිබෙනවා.