කුප්‍රකට සංගීත ශිල්පියෙක්වන ඉරාජ් වීරරත්නට අයත් Youtube නාළිකාව මේ වන විට Youtube සමාජ අඩවියෙන් ඉවත්කරගෙන තිබෙනවා.
කෙසේවෙතත් මෙය සම්පූර්ණයෙන්ම ඉවත්කරගෙනද (Delete) එසේත් නැතිනම් අප්‍රසිද්ධ කර ඇතිද (Unpublish) යන්න පිළිබදව තවමත් තොරතුරු වාර්තා වන්නේ නැහැ.
ජනාධිපතිවරයාට හා ආණ්ඩුවට විරෝධය පලකරන පිරිස් සංවිධානාත්කව පසුගිය දින කිහිපයේ පටන් ඉරාජ් වීරරත්නගේ Youtube චැනලයෙන් ඉවත්වීම ආරම්භ කළා.
ඒ අනුව ඉරාජ් වීරරත්නගේ Youtube චැනලයේ සිටි Subscribers ප්‍රමාණයෙන් ඊයේ (09) රාත්‍රිය වන විට 3000 කට ආසන්න පිරිසක් ඉවත්ව තිබුණා.
අද (10) උදෑසන වන විට එම පිරිස ආසන්න වශයෙන් 9000 ක් පමණක් වූ නිසා මෙම Youtube චැනලය අක්‍රීය කර ඇති බවයි වාර්තා වන්නේ.
ඉරාජ් වීරරත්න වත්මන් රජය බලයට පත්කිරීමට සමාජ මාධ්‍ය හා ඔහුගේ සංගීත වැඩකටයුතු යොදාගත්තා.
එහිදී ඔහු දේශපාලන පක්ෂවලට මෙන්ම පුද්ගල චරිතවලට අපහාසාත්මකව බාල වර්ගයේ නිර්මාණ කරමින් මඩ ගැසීමට කටයුතු කළ නිසා පක්ෂ විපක්ෂ බොහෝ දෙනාගේ විවේචනයට බදුන් වුණා.
කෙසේවෙතත් වත්මන් රජය බලයට පත්වූ පසුව ඉරාජ් වීරරත්න හට සංචාරක අධිකාරියේ අධ්‍යක්ෂ තනතුරක් පවා ලබාදීමට කටයුතු කළා.
