සිංහරාජයේ ගබඩාවී ඇති කාබන්වල වටිනාකම රුපියල් බිලියන 10ක් යැයි ශ්‍රී ජයවර්ධනපුර විශ්වවිද්‍යාලයේ වන හා පාරිසරික විද්‍යා දෙපාර්තමේන්තුවේ මහාචාර්ය ප්‍රශාන්ති ගුණවර්ධන බීබීසී සිංහල සේවයට ප්‍රකාශ කර ඇත.
සිංහරාජයේ පැරැණි භූමි ප්‍රමාණය අනුව විශාලත්වය හෙක්ටයාර 11,000 ක් ලෙස යොදා ගෙන මෙම තක්සේරුව කර ඇත.
එහෙත් 2019 නොවැම්බර් 20 දිනැති අංක 2150/31 දරණ අතිවිශේෂ ගැසට් නිවේදනයට අනුව සිංහරාජයේ විශාලත්වය හෙක්ටයාර 36,474.93ක් දක්වා වැඩි කළ බැවින් එහි නව වටිනාකම තවත් ඉහළ යැයි පැවැසේ.
පාරිසරික ආර්ථික විද්‍යාවේ දැනුම භාවිත කර සිංහරාජයෙන් ලැබෙන ප්‍රයෝජන කිහිපයක ආර්ථික වටිනාකම දැනටමත් තක්සේරු කර ඇතැයි අද ඒ අනුව අනාගතයේදී ඖෂධ නිපදවීමේ හැකියාවේ ආර්ථික වටිනාකම අතින් ලෝකයේ දෙවැනි තැන සිංහරාජ වනාන්තරයට හිමි වන්නේ යැයි ද මහාචාර්ය ප්‍රශාන්ති ගුණවර්ධන මහත්මිය වැඩිදුරටත් බී.බී.සී සිංහල සේවයට සඳහන් කර ඇත.
