ජපානයට ඉදිරියේදී ප්‍රබල භූකම්පනයක් ඇති වීමේ හැකියාවක් පවතින බව එරට මාධ්‍ය වාර්තා කර තිබෙනවා.
ජපාන රජය නියෝජනය කරන විශේෂඥ මණ්ඩලයක් විසින් සම්පාදනය කරන ලද වාර්තාවකින් මේ බව අනාවරණය කර තිබුණ.
එම භූ කම්පනය රික්ටර් පරිමාණයේ ඒකක 8ත් 9ත් අතර අගයක් ගත හැකි බවත් ඉන් පුද්ගලයින් 300,000 ක් පමණ මිය යනු ඇති බවටත් එම වාර්තාව මඟින් කරුණු ඉදිරිපත් කර තිබෙනවා.
විශේෂඥයින් මත පළ කර ඇත්තේ ජපානයේ පැසිෆික් වෙරළට ඔබ්බෙන් පිහිටි නන්කායි ප්‍රදේශයේ මෙම භූමිකම්පාව හට ගනු ඇති බවටයි.
එම භූකම්පනය ඇති වුවහොත් ජපානයට සූනාමි තත්ත්වයක් ඇති විය හැකි බවත් ගොඩනැගිලි සිය ගණනක් විනාශ විය හැකි බවත් අදාළ වාර්තා සඳහන් කරනවා.
එමෙන්ම, භූකම්පනය හේතුවෙන් ජපානයේ ආර්ථිකයට විය හැකි පාඩුව ඩොලර් ට්‍රිලියන 1.81ක් පමණ අගයක් ගෙන තිබෙනවා.
2012-2013 වසරවලදී නන්කායි ඇතිවිය හැකි වේ යැයි සැකකරන ලද භූමි කම්පාවකින් 323,000 ක් පමණ පිරිසක් මිය යනු ඇති බවට මින් පෙර ජපානය අනුමාන කර තිබුණා.
