සිවිල් සහ දේශපාලන අයිතිවාසිකම් පිළිබඳ ජාත්යන්තර සම්මුති පනත ( ICCPR ) සහ දණ්ඩ නීති සංග්රහය යටතේ එල්ල වී ඇති චෝදනාවට අමතරව මුදල් විශුද්ධිකරණය වැළැක්වීමේ පනත යටතේ ස්වයං ප්රකාශිත දිවැසිවර දේවගැති ජෙරොම් ප්රනාන්දුට එරෙහිව අපරාධ පරීක්ෂණ දෙපාර්තමේන්තුව පරීක්ෂණයක් පවත්වන බව නීතිපතිවරයා ඊයේ (15) අභියාචනාධිකරණයට දැනුම් දී තිබෙනවා.
දේවගැතිවරයා විසින් ගොනු කරන ලද රිට් පෙත්සම අභියාචනාධිකරණය හමුවේ කැඳවූ අවස්ථාවේ දී ජ්යෙෂ්ඨ නීතිඥ ශාමින්ද වික්රම මෙම දැනුම් සිදුකර ඇති බවයි වාර්තා වන්නේ.
බුද්ධාගම, ඉස්ලාම් සහ හින්දු ආගම විවේචනය කරමින් තමන් සිදුකරන ලද ආන්දෝලනාත්මක ඉරිදා දේශනාව සම්බන්ධයෙන් තමා අත්අඩංගුවට ගැනීම වළක්වන නියෝගයක් නිකුත් කරන මෙන් ඉල්ලා දේවගැති ජෙරොම් ප්රනාන්දු අභියාචනාධිකරණයට රිට් පෙත්සමක් ගොනු කර තිබුණා.
පසුගිය මැයි 15 වනදා ජෙරොම් ප්රනාන්දු රට හැර ගිය අතර ඔහුගේ පවුලේ සාමාජිකයින් යළි ශ්රී ලංකාව වෙත පැමිණ තිබෙනවා.