කිරිබත්ගොඩ නගරයේ පොදු වෙළෙඳ සංකීර්ණයට අයත් රථගාල පසුගිය මාර්තු මස සිට වසා දමා තිබෙනවා.
ඊට හේතුව ලෙස දක්වා ඇත්තේ එය ඉන්ටර්ලොක් ගල් අල්ලා නවීකරණය කිරිමයි.
කෙසේ වෙතත් මේ වන විට එය නවීකරණය කර අවසන්ව ඇතත් කැළණිය ප්‍රාදේශීය සභාව විසින් තවමත් එය විවෘත නොකර තබාගෙන සිටිනවා.
කිරිබත්ගොඩ පොදු වෙළෙද සංගමය චෝදනා කරන්නේ එළැඹෙන උත්සව සමයේදී තාවකාලික කඩ දැමීමට මෙම රථගාල යොදාගැනීමට ප්‍රාදේශීය සභාව උත්සහ කරමින් සිටින බවයි.
මෙම භූමියට ඇතුළු කැළණිය ප්‍රදේශයේ බොහෝමයක් මාර්ගවලට ඉන්ටර්ලොක් ගල් ඇල්ලීම සම්බන්දයෙන් අපූරු තොරතුරක්ද වාර්තා වනවා.
එනම් මැටි කර්මාන්ත රාජ්‍ය අමාත්‍ය ප්‍රසන්න රණවීර මහතාගේ මැදිහත්වීමෙන් අදාල අතුරු මාර්ග ප්‍රතිසංස්කරණය කිරීමේ කටයුතු කෙරුණද එම කිසිදු මාර්ගයකට කොන්ක්‍රීට් හෝ තාර නොයෙදීමට වගබලාගන්නා බවයි.
ඒ අනුව එම මාර්ග ඉන්ටර්ලොක් ගල් අල්ලා ප්‍රතිසංස්කරණය කරන බවත් එම ඉන්ටර්ලොක් ගල් කම්හලද ප්‍රසන්න රණවීර අමාත්‍යවරයාගේ බිරිදට අයත් එකක් බවටද ප්‍රදේශවාසීන් චෝදනා කරනවා.
කිරිබත්ගොඩ පොදු වෙළෙඳසැල් භූමියටද ලක්ෂ 55 ක වියදමක් දරා ඉන්ටර්ලොක් ගල් අතුරා සංවර්ධනය කර තිබීමද විශේෂත්වයක්.
ඊට අදාල දර්ශන පහතින්,
- ප්‍රියා සූරියසේන දිවි රඟමඩලට සමුදෙයි
- බස්නාහිර පළාතේ ටියුෂන් තහනම සම්බන්ධයෙන් ගත් අලුත්ම තීරණය
- ෂෙයික් හසීනා ආපසු එවන්න -බංග්ලාදේශෙන් ඉන්දියාවට ලියුමක්
- ඇප දුන් කුඩු සළිදු CIDය මඟහැරලා
- අනුර ප්‍රධානත්වයෙන් විශේෂ සාකච්ඡාවක්
