මින්නේරිය හා කවුඩුල්ල යන ජාතික වනෝද්‍යාන නිජභූමිය කරගනිමින් ජීවත් වූ ‘කෝලිය’ නැමැති ඇතා අභිරහස් ලෙස මිය ගොස් තිබෙනවා.
මින්නේරිය, රොටවැව ඇල රක්ෂිත කලාපයේදී මිය ගිය කෝලිය ඇතාගේ සිරුර ඊයේ (06) දින සොයාගෙන ඇති අතර සත්තවයා මිය ගොස් මේ වන විට දින 6ක පමණ කාලයක් ගතව ඇති බවට අනුමාන කෙරෙනවා.
වයස අවුරුදු 25 ක් වන මෙම ඇතාගේ උස අඩු 08 ක් පමණ වෙනවා.
මෙම සත්වයාගේ දළ දෙකෙන් එකක් අඩි 04යි අගල් 04ක් පමණ වන අතර, අනෙක් දළය අඩි 04යි අගල් 06 ක් පමණ දිගකින් යුක්තයි.
මියගිය සත්වයාගේ පශ්චාත් මරණ පරීක්ෂණ කටයුතු ගීරිතලේ වන ජීවී පශු වෛද්‍ය රෝහලේ වෛද්‍ය කණ්ඩායම් සිදුකර තිබෙනවා.
කෙසේවෙතත් සත්ත්වයා මිය යාමට හේතුව තවමත් අනාවරණය කරගෙන නැහැ.
කලාවැව වනජීවී කලාපයේ ජීවත් වූ දීඝජන්තු නමින් හඳුන්වන හස්තියාද පසුගිය 28 වෙනි දින අනවසර විදුලි රැහැනක ගැටී මරණයට පත් වුණා.
මින් පෙර කලාවැව ආසන්නයේ ජීවත් වූ රේවත, භරණ, වළගම්බා ආදී නම්වලින් හැඳින් වූ හස්තීන් කිහිපදෙනකුම අනවසර විදුලි රැහැන්වල ගැටී මරණයට පත්ව තිබෙනවා.
