අල්ලස් චෝදනාවකට වරදකරු වී සිරදඬුවම් නියම වී සිටින හිටපු ජනාධිපති මෛත්‍රීපාල සිරිසේන මහතාගේ, හිටපු කාර්ය මණ්ඩල ප්‍රධානී අයි.එච්.කේ මහානාම මහතා විසින් ඉදිරිපත් කළ ඇප ඉල්ලීම කොළඹ ත්‍රිපුද්ගල මහාධිකරණය ප්‍රතික්ෂේප කර ඇත.
නොවැම්බර් 25 වන දින අදාල ඇප ඉල්ලීම ප්‍රතික්ෂේප කර ඇති අතර සම්පත් අබේකෝන්, සම්පත් විජේරත්න සහ චම්පා ජානකී රාජරත්න යන මහත්ම මහත්මීන්ගෙන් සමන්විත විනිසුරු මඩුල්ල විසින් මෙම නියෝගය කර ඇත.
තම සේවාදායකයා රඳවා සිටින වැලිකඩ බන්ධනාගාරය තුළ කොවිඩ් ආසාදිතයින් රැසක් හමුවී ඇති බවත් ඔහු හෘද රෝගියෙකු නිසා එහින් ජීවිතයට අනතුරක් සිදුවිය හැකි බවත් පවසමින් ආදාල ඇප ඉල්ලීම ඉදිරිපත් කර ඇත.
කෙසේවෙතත් සිය තීන්දු ප්‍රකාශයට පත්කරමින් විනිසුරු මඩුල්ල පවසා ඇත්තේ විත්තිකරු තමන්ට නියම වී ඇති සිරදඬුවමට එරෙහිව ශ්‍රේෂ්ඨාධිකරණය වෙත අභියාචනයක් ඉදිරිපත්කර ඇති බවත් ඉදිරියේදී එය විභාගයට ගැනීමට නියමිත බවත්ය.
