වහාම ක්‍රියාත්මක වන පරිදි දුම්රිය උප නියාමකවරුන්ගේ නිවාඩු අවලංගු කර තිබෙනවා.
ඒ අනුව දුම්රිය උප නියාමකවරුන් අද (05) දහවල් 12ට පෙර සේවයට වාර්තා කරන ලෙස දුම්රිය සාමාන්‍යාධිකාරී දන්වා තිබෙන බවයි වාර්තා වන්නේ.
දුම්රිය ඇතුළු පොදු ප්‍රවාහනය අත්‍යවශ්‍ය සේවාවක් බවට පත් කිරීමට නිකුත් කර තිබෙන ගැසට් නිවේදනයේ නීති රීති තදින්ම ක්‍රියාත්මක කිරීමට රජය තීරණය කර තිබෙනවා.
පසුගිය සැප්තැම්බර් 12 වන දා ජනාධිපති ලේකම් සමන් ඒකනායක විසින් මීට අදාළ ගැසට් නිවේදනය ද නිකුත් කරනු ලැබුවා.
මෙම ගැසට් නිවේදනය යටතේ සේවයට වාර්තා නොකරන දුම්රිය හා පොදු ප්‍රවාහන සේවාවන්ගේ සියලුම සේවකයන් සම්බන්ධයෙන් නීතිය අකුරටම ක්‍රියාත්මක කිරීමට රජය බලධාරීන්ට උපදෙස් දී ඇති බවයි වාර්තා වෙන්නේ.
මෙය මාසයක කාලයක් සඳහා බලපැවැත්වෙනවා.
