මහියංගනය ප්‍රදේශයට මාළු වැස්සක් ඇද හැලුණේ ටොනාඩෝ තත්ත්වයක් හේතුවෙන් බව කාළගුණ විද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණාරත්න මහතා පැවසුවේය.
දිවයිනට බලපා තිබෙන ඊසාන දිග මෝසම් තත්ත්වය හේතුවෙන් උතුර, නැගෙනහිර,උතුර මැද සහ ඌව වැනි පළාත්වල තමයි නිරන්තර වැසි තත්ත්වයක් ඇතිවන අතර නමුත් පසුගිය කාලයේ වියළි කාළගුණික තත්ත්වයක් තිබුණ හෙයින් සමහෙර ප්‍රදේශවල ටෝනාඩෝ වැනි සංසිද්ධීන් ඇතිවිය හැක බවද ඔහු සඳහන් කළේය.
”ඒ වගේ අවස්ථාවල තමයි ජලාශවල සිටින මාළු වලාකුළු මඟින් ඇඳගන්නේ එවිට තමයි මාළු වැසි වහින්නේ. අද දිනයේ මහියංගනය ප්‍රදේශයේ ඇතිවෙලා තියෙන්නේ ඒ වගේ තත්ත්වයක්.” බවද ඔහු පැවසුවේය.
අතුල කරුණරත්න මහතා මේ බව කියා සිටියේ මහියංගනය ප්‍රදේශයට මාළු වැස්සක් අද හැලීම සම්බන්ධයෙන් මාධ්‍යයෙන් කළ විමසීමට පිළිතුරු දෙමිනි.
මේ අතර දෙසැම්බර් 22 වන දිින උතුර,උතුරුමැද,නැගෙනහිර,ඌව,වයඹ සහ හම්බන්තොට යන ප්‍රදේශවල ඕනෑම අවස්ථාවක වැසි හෝ ගිගුරුම් සහිත වැසි ඇති විය හැකි බවද අතුල කරුණාරත්න මහතා කියාසිටියේය.
එම ප්‍රදේශවල අහස වළාකුලින් බරව තිබිය හැකි අතර දිවයිනේ අනෙකුත් පළාත්වල තැනින් තැන වැසි හෝ ගිගුරුම් සහිත වැසි සන්ධ්‍යා කාලය වන විට ඇති විය හැකි බවද කරුණාරත්න මහතා කියාසිටියේය
.
