උද්ගත වී ඇති ආර්ථික අර්බුදයෙන් රට ගලවා ගැනීම සඳහා ශ්‍රී ලංකා නිදහස් පක්ෂය විසින් රජයට සතියක කාලයක් ලබාදීමට තීරණය කර තිබෙනවා
ස්ථිරසාර වැඩපිළිවෙලක් සහිත භාරකාර ආණ්ඩුවක් යටතේ රට පාලනයට වැඩපිළිවෙලක් සකස් නොකරන්නේ නම්ශ්‍රී ලංකා නිදහස් පක්ෂයේ මන්ත්‍රීවරුන් 14 දෙනා විසින් දරනු ලබන ආණ්ඩුවේ සියලු තනතුරුවලින් ඉවත් වී ඉදිරි දින කිහිපය තුල පාර්ලිමේන්තුවේ ස්වාධීන කණ්ඩායමක් ලෙසට කටයුතු කිරීමටයි එම පක්ෂයේ මධ්‍යම කාරක සභාව තීරණය කර ඇත්තේ.
එම පක්ෂයේ මහලේකම් දයාසිරි ජයසේකර ජනාධිපතිවරයා වෙත විශේෂ ලිපියක් යොමුකරමිනුයි මෙම අදහස් පළකර ඇත්තේ.
ඉදිරි දින කිහිපය තුල පාර්ලිමේන්තුව නියෝජනය කරනු ලබන සියලු දේශපාලන පක්ෂ සමග සාකච්ඡා කර රටේ අභිවෘද්ධිය සඳහා මෙම උද්ගතවී ඇති ආර්ථික අර්බුදයෙන් රට ගලවා ගැනීම සඳහා ස්ථිරසාර වැඩපිළිවෙලක් සහිත භාරකාර ආණ්ඩුවක් යටතේ ඉදිරියේදී රට පාලනය සඳහා අවශ්‍ය කටයුතු කළ යුතු බව ශ්‍රී ලංකා නිදහස් පක්ෂයේ මධ්‍යම කාරක සභාවේ අදහස වී ඇති බවයි එම ලිපියේ වැඩිදුරටත් සඳහන් වන්නේ.
