ත්‍රිපෝෂ හදන්න බඩ ඉරිඟු සහ සෝයා බෝංචි පිටරටින්

කුඩා දරුවන්ට ලබා දෙන ත්‍රිපෝෂ නිෂ්පාදනය සඳහා බඩ ඉරිඟු සහ සෝයා බෝංචි මෙට්‍රික් ටොන් 9,000ක් ආනයනය කිරීමට රජය තීරණය කර තිබෙනවා.

රජය පවසන්නේ ත්‍රිපෝෂ නිෂ්පාදනය සඳහා වන වාර්ෂික බඩ ඉරිඟු සහ සෝයා බෝංචි අවශ්‍යතාව පිළිවෙලින් මෙට්‍රික් ටොන් 12,000 ක් සහ මෙට්‍රික්ටොන් 6,000 ක් පමණ වන බවයි.

කෙසේවෙතත්, දැනට පවතින බඩ ඉරිඟු සහ සෝයා බෝංචි හිඟය  හේතුවෙන් ත්‍රිපෝෂ නිෂ්පාදන  ක්‍රියාවලිය සඳහා වාර්ෂික  සැපයුම් අවශ්‍යතාව දේශීයව සපුරා ගැනීමට නොහැකි බැවින්, එකී අවශ්‍යතාව විදේශීයව සපුරා ගැනීමට සිදුව ඇති බව රජය පෙන්වා දෙනවා.

ඒ අනුව, බඩ ඉරිඟු මෙට්‍රික් ටොන් 6,000ක්, සෝයා බෝංචි මෙට්‍රික් ටොන් 3,000ක් වශයෙන් සපයා ගැනීමේ කොන්ත්‍රාත්තුව පෞද්ගලික සමාගම් 2ක් වෙත ප්‍රධානය කිරීමට අමාත්‍ය මණ්ඩල පත්‍රිකාවට අනුමැතිය හිමිව තිබෙනවා.

අදාළ පෞද්ගලික සමාගම් පහතින්,

බඩ ඉරිඟු මෙට්‍රික්ටොන් 6,000 ක් සපයා ගැනීම සඳහා වූ ප්‍රසම්පාදනය –  M/s KS’T Evergreen (Pvt) Ltd

සෝයා බෝංචි මෙට්‍රික්ටොන් 3,000ක් සපයා ගැනීම සඳහා වූ ප්‍රසම්පාදනය –  M/s SDK United Agri Ventures (Pvt) Ltd