ගාලු දිස්ත්‍රික් පාර්ලිමේන්තු මන්ත්‍රිනී ගීතා කුමාරසිංහ මහත්මියට අපහාස වන අයුරින් බැන තර්ජනය කළ අයෙක් ඊයේ (20) දින අත්අඩංගුවට ගත් බව ඌරගස්මංහන්දිය පොලීසිය පවසනවා.
ගීතා කුමාරසිංහ මහත්මිය කරන ලද පැමිණිල්ලකට අනුව මෙම අත්අඩංගුවට ගැනීම සිදුකර ඇති අතර සිය නිවසේ සිටියදී සැකකරු තමන්ට අපහාස වන අයුරින් බැන තර්ජනය කළ බව සඳහන් කරමින් ගීතා කුමාරසිංහ මහත්මිය පොලීසියට පැමිණිලි කර තිබේ.
ස්වයං රැකියා උපකරණ ලබාදීමේ ලැයිස්තුවට තමාගේ නම ඇතුළත් නොකළ බව කියමින් සැකකරු මෙසේ මන්ත්‍රීවරියගේ නිවසට ගොස් බැන තර්ජනය කර ඇති බවයි පොලසිය පවසන්නේ.
මහජන නියෝජිතයෙකුට ප්‍රසිද්ධියේ අපහාව වන අයුරින් බන තර්ජනය කිරීමේ චෝදනා යටත් සැකකරුට එරෙහිව අධිකරණයේ නඩු පැවැරීමට කටයුතු කරන බවද පොලීසිය පවසනවා.
