කොවිඩ් ආසාදිතව නාරාහේන්පිට පොලිස් රෝහලේ ප්‍රතිකාර ලබමින් සිටි මහජන ආරක්ෂක අමාත්‍ය සරත් වීරසේකර මහතා අංගොඩ, ජාතික බෝවන රෝග විද්‍යායතනයට (IDH රෝහල) මාරුකර යවා ඇති බව වාර්තා වනවා.
කෙසේ නමුත්, අමාත්‍යවරයාගේ තත්වය ස්ථාවර බවයි ජාතික බෝවන රෝග විද්‍යායතනයේ විශේෂඥ වෛද්‍ය ආනන්ද විජේවික්‍රම මහතා මාධ්‍ය වෙත සඳහන් කර සිටින්නේ.
මේ අතර, කොළඹ ජාතික රෝහලේ High Dependency Unit (HDU) ඇඳන් සියල්ලම කොවිඩ් රෝගීන්ගෙන් පිරීගොස් ඇති බව වාර්තා වනවා.
එම රෝහලේ දැඩි සත්කාර ඒකකයේ විශේෂඥ වෛද්‍ය ඇන්තනී මෙන්ඩිස් මහතා ඊයේ (21) පැවති මාධ්‍ය හමුවකට එක්වෙමින් පවසා සිටියේ කොවිඩ් ව්‍යාප්තිය අඩාල කිරීමේ හොඳම විසඳුම එන්නත්කරණය බවයි.
