ශ්‍රී ලංකාවේ වාසය කරන ඉන්දියානු ජනතාව විසින් සංවිධානය කරනු ලැබූ හෝලි උත්සවය ඊයේ (15) කොළඹදී සැම‍රීම සිදුකෙරුණා.
එහිදී ඉන්දියානු මහ කොමසාරිස් සන්තෝෂ් ජා ඇතුළු ඉන්දීය රාජ්‍ය නිලධාරීන් සහ ඉන්දීය රාජතාන්ත්‍රිකයන්ගේ ආරාධනයෙන් මෙම අවස්ථාව සඳහා වෙළඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහද සහභාගි වී තිබෙනවා.
හෝලි යනු ඉන්දීය සාම්ප්‍රදායික, වර්ණවත්, සංස්කෘතික උත්සවයක් වන අතර ,එය ඔවුන්ගේ වසන්තයේ පැමිණීම සංකේතවත් කරනු ලබන සැමරීමක් ලෙස සැලකෙනවා.
මෙරට රජයේ නිලධාරින්, මෙරට වෙසෙන ඉන්දීය ජනතාව, අනෙකුත් විදේශිකයින් සහ ශ්‍රී ලාංකිකයින්ද ඊයේ පැවති මෙම සංස්කෘතික උත්සවය සඳහා සහභාගි වී තිබෙනවා.
