කඩුගන්නාව ප්‍රදේශයේ පිහිටි කන්දක් නැගීමට ගොස් පසුගිය 10 වනදා සිට අතුරුදහන් වූ 32 හැවිරිදි ඩෙන්මාර්ක් ජාතික සංචාරක කාන්තාවක්ගේ සිරුරා අද (14) දිනයේ දී සොයා ගැනීමට හැකිව තිබෙනවා.
ඇය එදින උදේ 8.30ට පමණ කඩුගන්නාව ප්‍රදේශයේ පිහිටි කන්දක් නැගීමට යන බව පවසමින් හෝටලයෙන් පිටව ගොස් ඇති බවයි වාර්තා වන්නේ.
කෙසේ වෙතත් මෙම කන්ද නැගීමට යන බවට පැවසු විදේශීය කාන්තාව නැවත හෝටලයට නොපැමිණීම හේතුවෙන් ඒ සම්බන්ධයෙන් එහි අයිතිකරු පොලීසියට පැමිණිල්ලක් කර තිබුණා.
සිද්ධිය සම්බන්ධයෙන් මහනුවර සංචාරක පොලීසිය කියා සිටියේ මෙම මරණයට හේතුව සොයා තවදුරටත් විමර්ශන ක්‍රියාත්මක බවයි.
ඇය පිටත්ව යන බව කියූ ප්‍රදේශයක තිබී මෙම සිරුර හමුව ඇති බවයි වාර්තා වන්නේ.
