මේ වන විට දිවයිනේ සෑම ප්‍රදේශයකටම සංචරණ සීමා පනවා තිබියදී පාර්ලිමේන්තු මන්ත්‍රී නිපුන රණවක මහතා චෛත්‍යයකට මුල්ගලක් තැබීමේ උත්සවයක් ඊයේ (14) සංවිධානය කර තිබෙනවා.
මාතර – රන්දූපත උපෝසථාගාරයේ අභිනවයෙන් ඉදිවෙන චෛත්‍ය සඳහා පාර්ලිමේන්තු මන්ත්‍රී නිපුන රණවක ඇතුළු ප්‍රදේශයේ දේශපාලන කටයුතුවල නිරත පුද්ගලයින් කිහිපදෙනෙකු හා ප්‍රදේශවාසීන් සහභාගීවී තිබෙන බවයි වාර්තා වන්නේ.
එම අවස්ථාවට පොලිස් නිලධාරීන් කිහිප දෙනෙකුද සහභාගීවී සිටීම විශේෂත්වයක්.
සෞඛ්‍ය මාර්ගෝපදේශවලට අනුව සියලු ආගමික ස්ථානවල මහජනයා එක්රැස්වෙන ක්‍රියාකාරකම් තහනම් කර තිබෙනවා.
ඒසේ තිබියදීත් මෙම ආගමික උත්සවය සංවිධානය කර තිබුණා.
මේ අතර පසුගියදා ප්‍රසන්න රණතුංග මහතාද විවෘත කිරීමේ උත්සවයකට සහභාගීවුණා.
