නිවාස ගිනිතැබීම් ඇතුළු තමන්ට සිදුවු ශාරීරික හා භෞතික හානි පිළිබඳ පාර්ලිමේන්තු මන්ත්‍රීවරුන් පිරිසක් මානව හිමිකම් කොමිෂන් සභාව වෙත පැමිණිල්ලක් ඉදිරිපත් කර තිබෙනවා.
පාර්ලිමේන්තු මන්ත්‍රීවරුන් කිහිපදෙනෙකු වෙන වෙනම මානව හිමිකම් කොමිෂන් සභාව වෙත පැමිණිලි ඉදිරිපත් කරමින් පවසා ඇත්තේ මේ පිළිබදව කඩිනම් විමර්ශනයක් සිදුකරන ලෙසයි.
ඒ අනුව එම සියලු පැමිණිලි සම්බන්ධයෙන් විමර්ශන සිදුකරන බව මානව හිමිකම් කොමිසම සඳහන් කරනවා.
නිවාස ගිනිතැබීම් සම්බන්ධයෙන් එකඟ විය නොහැකි අතර ප්‍රාජාතන්ත්‍රවාදී රටක් ලෙස විරුද්ධ මතවලට ගරු කිරීමට සියලු පාර්ශවයන් කටයුතු කළ යුතු බව එම කොමිසම සදහන් කරනවා.
මීට අමතරව අද දිනයේදීත් තවත් මන්ත්‍රීවරු කිහිපදෙනෙකු එම කොමිෂන් සභාව වෙත පැමිණිලි ඉදිරිපත් කිරීමට සුදානම් බවයි වාර්තා වන්නේ.
