දැඩි ආන්දෝලනාත්මකව අවසන් වූ Mrs. Sri Lanka තරඟාවලිය හේතුවෙන් මේ වන විට හිටපු නියෝජ්‍ය අමාත්‍යවරයෙකුගේ බිරිදක් දැඩි ලෙස අපහසුතාවයට පත්ව තිබෙනවා.
ඒ පසුගිය රජයේ විදුලි සංදේශ හා ඩිජිටල් යටිතල පහසුකම් නියෝජ්‍ය අමාත්‍යවරයාව සිටි තාරානාත් බස්නායක මහතාගේ බිරිද වන ආශ්‍යා බස්නායක මහත්මියයි.
පැවති Mrs. Sri Lanka තරඟාවලියේ අවසන් තරඟයේදී ජයග්‍රාහිකාව ලෙස කිරුළු පලන් පුෂ්පිකා ද සිල්වා මහත්මියගෙන් කැරොලයින් ජූරි විසින් කිරුළ ගලවා ගෙන යළි පැලැන්දූවේ ආශ්‍යා බස්නායක මහත්මිය හටයි.
පසුව කැරොලයින් ජූරි විසින් ඇය ජයග්‍රාහිකාව ලෙස නම් කරනු ලැබූවා.
කෙසේ වෙතත් මේ වන විට නැවත වරක් පුෂ්පිකාද සිල්වා මහත්මිය පැවති Mrs. Sri Lanka තරඟාවලියේ ජයග්‍රාහිකාව ලෙස නම් කර නැවත වරක් කිරුළු පළදවා ඇති පසුබිමක් තුළ ආශ්‍යා බස්නායක මහත්මිය හටද දැඩි අපහාසයක් සිදුව තිබෙනවා.
යම් යම් පාර්ශවයන්ගේ පෞද්ගලික කාරණා මත එහාට මෙහාට දෝලනය වූ කිරුළක් නිසාවෙන් අවසානයේ වේදිකාවක් මත අපහසුතාවයට ලක්වන්නට ආශ්‍යා මහත්මියටද සිදුව තිබෙනවා.
ඇයගේ සැමියා වන තාරානාත් බස්නායක මහතා ශ්‍රී ලංකා නිදහස් පක්ෂයේ සාමාජිකයෙකුව සිට නියෝජ්‍ය අමාත්‍ය ධූරද දරා තිබූ අතර පැවති මැතිවරණ සමයේදී ශ්‍රී ලංකා පොදුජන පෙරමුණේ සාමාජිකත්වය ලබාගත්තා.
කෙසේ වෙතත් පැවති මහ මැතිවරණයෙන් ඔහු පරාජයට පත්වුණා.
