පාර්ලිමේන්තු මන්ත්‍රී නාමල් රාජපක්ෂගේ බිරිඳ වන ලිමිණී රාජපක්ෂ සහ ඇයගේ දරුවා අද (08) අලුයම සිංගප්පූරුව හරහා ප්‍රංශය බලා පිටත්ව ගියා.
ලිමිනි සහ ඇගේ දරුවා සිංගප්පූරු ගුවන් සේවයට අයත් SQ-469 දරණ ගුවන් යානයෙන් සිංගප්පූරුව බලා ප්‍රංශය බලා පිටත්ව යාමට පෙරවරු 12.05 ට රටින් පිටත්ව ගිය බව ගුවන් තොටුපළ ආරංචි මාර්ග සදහන් කළා.
එමෙන්ම පාර්ලිමේන්තු මන්ත්‍රී නාමල් රාජපක්ෂ මහතා සිය පවුලේ අය බැලීමට බණ්ඩාරනායක ජාත්‍යන්තර ගුවන් තොටුපළට පැමිණි බවද ගුවන් තොටුපළ ආරංචි මාර්ග වාර්තා කළා.
මේ පිළිබඳව සිය නිල ට්විටර් ගිණුමේ සටහනක් තබමින් නාමල් රාජපක්ෂයන් සදහන් කරන්නේ ඇය විදෙස් ගත වූයේ සංචාරක ක්ෂේත්‍රයට අදාළ ඇයගේ රැකියාවට බවයි.
එය කිසිසේත්ම තමන්ගේ දේශපාලනයට අදාළ දෙයක් නොවන බවත් ඇය වෘත්තීය වශයෙන් සංචාරක ව්‍යාපාරයට අදාළ දෑ කරන බැවින් මෙය ඊට අදාළ සංචාරයක් බවත් නාමල් රාජපක්ෂයන් පෙන්වා දෙනවා.
